Adobe Photoshop լուսանկարիչների համար

Վերջերս սկսել եմ հաճախակի մտածել լուսանկարչության թեմայով սեմինարներ կազմակերպելու
մասին: Կարծես թե իսկապես դրա պահանջը կա, ու ես էլ իսկապես ասելիք ունեմ այդ
բանագավռում: Միանգամից ասեմ, որ ես ինձ Հայաստանի լավագույն լուսանկարիչը չեմ
համարում ու շատ հեռու եմ աստղային հիվանդությունից:
Սակայն ժամանակի ընթացքում կուտակվել է, գիտելիքների որոշակի պաշար, որն արդեն
դժվարանում եմ հոդվածների ու վիդեո դասերի տեսքով փոխանցել: Իհարկե դեռ կշարունակեմ
առցանց հոդվածների և վիդեո-դասերի ավանդույթը, բայց ավելի խորը կարող եմ այդ թեմաները
բացել միայն սեմինարի ընթացքում:

Միևնույն ժամանակ չեմ պատրաստվում իմ և այլոց ժամանակը սպանել անհեթեթ,
երկարաժամկետ դաընթացների վրա: Ցանկանում եմ կազմակերպել մեկ օրանոց (4-6 ժամանոց),
ինտենսիվ դասընթաց՝ հագեցած ինֆորմացիայով և կիրառական գիտելիքով:

Պայմանականորեն առանձնացնում եմ երկու տեսակի սեմինարների կազմակերպում.

  1. «Ի՞նչպես կատարել մշակում»
  2. «Ի՞նչ արդյունքի ձգտել»

«Ի՞նչպես կատարել մշակում»-ը դա մեծ մասամբ նվիրված կլինի Photoshop-ի հնարավորություններին:Այս սեմինարի պլանն արդեն սևագրել եմ, և ներկայացնում եմ Ձեր դատին:


Լուսանկարչական սեմինար 1:
Adobe Photoshop լուսանկարիչների համար

  • Գույնի կառավարման հիմունքներ (Color Management Basics)
  • Կորեր և նրանց գաղտնիքները (Curves)
    • Split Toning
    • Contrast
    • White Balance
  • Տեղային մշակում (Masks)
  • Որտե՞ղ է թաքնված գույնը (Saturation)
  • Հստակություն (Sharpness)
    • Համացանցի համար
    • Տպագրության համար
  • Lab գունային տարածություն
  • Աշխատանքի ավտոմատացում (Actions)
  • Հարց ու պատասխան

Սեմինարի վայրը և կոնկրետ օրը դեռևս որոշված չէ: Ամենայն հավանականությամբ այն կլինի 
Օգոստոսի վերջին: Ավելի ստույգ կգրեմ՝ դասընթացի պլանը վերջնական տեսքի բերելուց հետո:
Կաշխատեմ դասընթացն այնպես կազմակերպել, որ մասնակցության վճարը չգերազանցի 10.000 դրամը: Թերևս մի տեխնիկական խնդիր կա, պետք է HD Projector հայթայթել, որպեսզի հնարավոր
լինի ամեն ինչ տեսնել բարձր որակով:
Հետաքրքրվողները կարող են նախապես գրանցվել՝ գրելով edgar@marukyan.com հասցեին:

0 կարծիք::

Post a comment