Ապարանի ջրամբար
Էս Ապարանի ջրամբարն էլ Ազատի ջրամբարի պես տեղ ա, ինչ եղանակի ուզում ես գնա... միշտ գեղեցիկ են ու միշտ բան ունեն քեզ տալու...
Posts
Երևանի լուսավորված հեռուստաաշտարակը
Ով դեռ չգիտի, թող իմանա, որ Երևանի հեռուստաաշտարակն արդեն լուսավորվում է, և ինչպես տեսնում եք՝ տարբեր գույներով: Կարծես թե գտա դրա ճիշտ լուսանկարելու ձևը: Հատուկ շնորհակալություն լուսնին, որ օգնեցի իր ներկայությամբ:
Խոհեր դիմանկարչություն թեմայով
Երբ նոր էի սկսում զբաղվել լուսանկարչությամբ, նկարում էի ամեն ինչ՝ բնապատկեր, մակրո, դիմանկար, նատյուրմորտ և այլն: Սակայն որոշ ժամանակ անց հասկացա, որ իմ տարերքը բնապատկերն է: Միևնույն ժամանակ հասկացա, որ դիմանկարներն իմ մոտ շատ վատ են ստացվում, հավանաբար այն պատճառով որ մարդկանց շատ ավելի քիչ էի սիրում քան բնությունը: Իսկ այն ինչ չես սիրում, չես էլ կարողանա դրա մեջ բացահայտել գեղեցիկը: Բացի այդ կար նաև տեխնիկական խնդիր: Ես չունեի դիմանկար նկարելու համարա նախատեսված օբյեկտիվ: Canon 50mm F/1.8 գնեցի, բայց շատ շուտ հիասթափվեցի, քանի որ տեխնիկական որակը բացարձակ գոհացուցիչ չէր, և դրա փոխարեն ձեռք բերեցի Canon 50mm F/1.4 օբյեկտիվ, որն անհամեմատ լավն է և որակյալ: Այժմ վերսկսել եմ իմ փնտրտուքները դիմանկար ժանրում, և Ձեր դատին եմ ներկայացնում մի քանի լուսանկար: Մոդել՝ Անի, «Արտիստը» Մոդել՝ Հայկան Մոդել՝ Հայկան, «Փոքրիկ վագր» ի դեպ ասեմ, որ փնտրում եմ շատ գեղեցիկ մոդելներ, ովքեր կունենան որոշակի հետաքրքրություն բացի մոդել լինելը և կարող են խաղալ իրենց դերը: Օրի
«ինքը շատ լավ կոշիկ ա»
Ինքը շատ լավ խմիչք ա, իրան կարելի ա խմել նաև սոված ժամանակ, ինքը թանկ չի ու ինքը վաճառվում ա ամեն խանութում, մենակ թե իրան չի կարելի թափել գետնին: Համաձայնեք, որ սա աբսուրդ է: Առարկաների համար օգտագործել «ինքը» ցուցական դերանունը: «Ինքը» ես եմ, դու էս, նա է, բայց՝ ոչ երբեք անշունչ առարկաները: Անշունչ առարկաներին պետք է կոչել սա, դա, նա, սրան, նրան, դրան ցուցական դերանուններով: Շատ երկար ժամանակ մտածում էի այս ֆենոմենի մասին: Թե ինչու՞ են, իմ հանդիպած ՀՀ քաղաքներից ու գյուղերից, միայն Երևանում են օգտագործում այդ չարաբաստիկ «ինքը» դերանունը անշունչ առարկաներին մատնանշելիս: Ի վերջո գտա դրա պատասխանը: Դա գալիս է ռուսալեզ ինծիլիգենցիայի ազդեցությունից: Ռուսաց լեզվում անշունչ առարկաներին կարելի և հաճախ պետք է անվանել «он» կամ «она» և բառացի թարգմանության հետևանքով ստացվում է «ինքը ժամկետանց է» կամ «ինքը լավ սեղան է» տիպի արտահայտություններ:
Կոնկրետ ի՞նչ ֆոտոխցիկ գնել
Սկսում եմ մի նոր խորագիր՝ «Կոնկրետ ի՞նչ ֆոտոխցիկ գնել» վերնագրով: Հարգելիներս, քանի որ ես մենակ եմ, իսկ դուք՝ շատ և ֆիզիկապես չեմ հասցնում բոլորիդ հարցերին պատասխանել, ապա որոշեցի այսուհետ ամեն ամիս գրել իմ կարծիքով տվյալ ամսվա լավագույն ֆոտոխցիկի մասին: Հուսով եմ այն Ձեզ կօգնի կողմնորոշվել, թե ինչ ֆոտոխցիկ գնել: Օգոստոս ամիսն արդեն ավարտվել է, այնպես որ կարող ենք ամփոփել այն: Այսպիսով, օգոստոս ամսվա հաղթող է ճանաչվում Canon EOS 1100D - $410 (առանց օբյեկտիվ) ( նույն ինքը EOS Rebel T3 կամ Kiss X50) ինքը Սա այս պահին Canon-ի ամենաէժան հայելային ֆոտոխցիկն է, որը չի տարբերվում ամենաթանկ ֆոտոխցիկից այնքանով, որ ամեն դեպքում լուսանկարը կատարվում է լուսանկարչի կողմից: Եվ սա այն մինիմալ էժան խցիկն է, որի միջոցով դուք կարող եք գլուխգործել, կամ այլ կերպ ասած՝ գլուխգործոցներ լուսանկարել: Իմ տրամաբանությունը շատ պարզ է: Եթե դուք դեռ չեք աճել (տեխնիկապես, ֆինանսապես և հոգեպես) այնքան, որ գնեք Canon 5D Mark 2 և հստակ պատասխան տաք, թե ինչու եք 6 անգամ թանկ վճարում ֆոտ
1 տարեկան վարորդի փարձը
Այս կայծակին բռնել եմ Վանաձոր-Երևան ճանապարհին՝ Հայոց այբուբենի մոտակայքից: Այսօրվա թեման ոչ մի կապ չունի «ասույթներ հայոց լեզվի մասին» թեմայի հետ: Այսօրվա պաստուլատները վերաբերվում մեքենա վարելուն: Ես արդեն մեկ տարեկան վարորդ եմ, և ցանկանում ամփոփել այս ընթացքում անցած իմ 10.000 կիլոմետրը: Այստեղ գրել կենսական կարևոր նշանակություն ունեցող հմտություններ, որոնք ինձ սովորացրել է իմ ընկեր Շումախերը Ալիկը, և այն ամենը ինչ ես ինքնուրույն եմ յուրացրել: Հուսով եմ նորելուկ վարորդների համար այն օգտակար կլինի: Պոստուլատ Հ0 - «մեքենա=զենք» Ավտոմեքենան կարող է մահվան պատճառ հանդիսանալ, և ոչ միայն ձեր: Ամեն անգամ մեքենայի ղեկին նստելիս հիշեք, որ դուք այսուհետ պատասխանատվություն եք կորում ոչ միայն ձեր, այլև՝ այլոց կյանքի համար: Պոստուլատ Հ1 - «Ճանաչիր ինքդ քեզ» Դուք պետք է շատ լավ իմանաք Ձեր ավտոմեքենայի հնարավորությունները: Առցանց ֆորումներում կարդացեք այլ մարդկանց կարծիքները այդ ավտոմեքենայի մասին՝ պոտենցիալ խնդիրները և առանձնահատկությունները:
Դպրոց Դպրոց - Կրակ ու Բոց
Շնորհավորում եմ գիտության մամուռը կրծող մեր մատաղ սերնդին: Մամուռը՝ քանի որ Հայաստանում գիտության գրանիտը վաղուց մամռակալել է ու հնացել: Ինչ լավ բան ա չէ բլոգը... հիմա նոր նայեցի հին հոդվածներն ու գտա մի ռեպորտաժ դպրոցից, որը նկարել եմ անցյալ տարվա մարտ ամսին: Ահա խնդրեմ.. կարդացեք.. քոմմենթեք.. ու արտահայտեք Ձեր մտքերը: http://edgar.marukyan.com/2010/03/blog-post_23.html