Ունկնդրել այն ինչ ցանկանում ես կարդալ

Աուդիոգրքերի մասին... դա գերագույն հայտնագործություն էր ինձ համար: Միշտ նեղվել եմ, որ մեծ ու հաստափոր գրքեր չեմ կարողանում կարդալ, զուդ դրանց ծավալի ու սարսափեցնող տպավություն գործելու պատճառով: Բայց... տարիներ անց լուծումը գտնվեց...

Եթե չեմ սխալվում միջին ստատիստիկ մարդ արարածը ինֆորմացիայի 80%-ը ստանում է աչքերի միջոցով, քանի որ վիզուլ արվեստը և վիզուալ տեխնոլոգիաները ավելի զարգացած են քան մնացած այլ զգայարանների վրա ազդողները:

Իսկ աուդիոգիրքը հնարավորություն է տալիս հանգստացնել աչքերը, ընդունել ցանկացած գիրք կարդալու համար ահնավանական դիրք և ունկնդրել այն ինչ ցանկանում ես կարդալ :)

Ի վերջո կարդալու համար ուղիղ նստել է պետք, լավ լուսավորություն, անդորր, և աչքերի անընդհատ լարված աշխատանք: Իսկ լսելը շատ ավելի հեշտ ու բնական երևույթ է, որը ոչ լուսավորություն է պահանջում, ոչ նստելու կոնկրետ դիրք, ոչ աչքերի լարում, ոչ էլ կատարյալ անդորր:

Ինչպես կասեր հնգեր Արտակը.. երեխան հեքիաթները նախ լսում է, հետո նոր կարդում, արդ լսելը ավելի բնական, հեշտ ու սովորական երևույթ պետք է լինի, քան կարդալը:

Մի խոսքով դա ուղակի հրաշք է: Հիմա ասեմ, թե կոնկրետ ինչեր եմ լսել վերջերս ու ինչպես եմ դա արել:

Android համակարգով աշխատող ամենահասարակ ամենաէժան խելախոսի (smartphone) վրա տեղադրել եմ MortPlayer Audio Books անվճար ծրագիրը և տոռռենտ-ով ներբեռնել եմ աուդիոգրքեր:

Վերջին մեկ ամսում լսել եմ.

• "The 4-Hour Workweek" - Timothy Ferriss (սա փոխեց իմ սոցիալական կենսակերպը)
• "О дивный новый мир" - Олдос Хаксли (սա այնքան լավն էր որ չէի կարողանում կտրվել)
• "Учение дона Хуана: Путь знания индейцев яки" - Карлос Кастанеда (իսկ սա ուզում ա փոխի իմ հոգեվոր կենսակերպը)
• "Отдельная реальность" - Карлос Кастанеда

Իսկ այժմ լսում եմ

• Тибетская Книга мёртвых
• "Hunger" - Knut Hamsun
• "Братья Карамазовы" - Ф. М. Достоевский. (սա ժամանակին կարդացել եմ...)
• "Путешествие в Икстлан" - Карлос Кастанеда

Հ. Գ. Չմոռանամ ասել ամենակարևորը... առաջ միշտ ջղայնանում էի, երբ ինչ-որ մեկը ուշանում էր ժամադրությունից ու ստիպված սպասում էի ու ժամանակ սպանում: Այժմ նույնիսկ ուրախանում եմ նման դեպքերում, քանի որ ժամանակ եմ ունենում մի քանի րոպե էլ լսել կիսատ լսած գիրքս :)) 

Հ. Գ. 2 Կառլոս Կաստանեդայի բոլոր 11  աուդիոգրքերը ունեմ, կարող եմ տալ, եթե չգտնեք համացանցում: Իսկ մնացածի ֆայլերն ու լինքերը շատ հեշտ կգտնեք, եթե մի հատ թեթև որոնեք համացանցում ասենք այ այսպես «torrent Тибетская Книга мёртвых download»:

Իսկ դուք ի՞նչ եք լսում... կամ ինչու՞ չեք լսում.. արդեն լսելու ժամանակն է, կարդալու դարն անցավ :)