Բնապատկերներ Դսեղից

Հարգելի ընկերներ և մշտական այցելուներ, Ձեզ եմ դիմում մի խնդրանքով: Ինչպես գիտեք, կայքը որևէ բիզնես ուղղություն չունի և բացառապես հիմնված է մեր՝ համահեղինակներիս, ազատ ժամանակի և էնտուզիազմի վրա: Եվ ժամանակ առ ժամանակ, ինչ-որ վատ մտքեր են տանջում ինձ՝ կապված կայքի ապագայի հետ:

Այդուհանդերձ դիմում եմ Ձեր օգնությանը և խնդրում եմ պատասխանել հետևյալ հարցերին.

1. Արդյո՞ք կայքի բովանդակության ներկայիս ձևը դեռևս հետաքրքիր է այցելուներին:

2. Ի՞նչպիսին կցանկանայիք տեսնել կայքի հետագա զարգացումը:

3. Ի՞նչ անհարմարություններ կան կայքից օգտվելու հետ կապված:

4. Ի՞նչ կառաջարկեք ավելացնել կամ փոփոխել բովանդակային և ֆունկցիոնալ մասերում:

Շատ ուրախ կլինենք, եթե քննարկմանը մասնակցեն նույնիսկ նրանք, ովքեր մինչ այժմ ալարել են  քոմմենթ չեն գրել և բավարարվել են միայն նկարները նայելով :)

Մի քանի նկար ևս Դսեղի մայրամուտներից և «Ծովեր» լճից:

Հետաձգեցի ակտիվ հանգստի պլանները՝ «Աժդահակ լեռ մագլցելու» և «Գիշերակացով Լաստիվեր», ու կնոջս հետ գնացինք Դսեղ՝ անգործության մատնվելու պասիվ հանգստի:
+18 նկար



2. Առաջին օրդ գնացինք «Ծովեր» լիճ:

3.Պետք է նշեմ, որ ըստ ավանդության, այդ լճակը «Ծովեր» անունը  ստացել է այն բանից հետո, երբ այդտեղ Ծովեր անունով մի երիտասարդ աղջիկ է խեղդվել, և այն ոչ մի կապ չունի Դսեղեցիների՝ ծովից հեռու գտնվելու հանգամանքի և չափման զգացողության հետ:

4.Ձկնորս տղաները մեզ բողոքեցին, որ այօր լավ որս չկա, և ընդամենը մի քանի խեցգետին և 8 ձուկ են բռնել մինչ այժմ:

5. Երեկոյան որոշեցինք գնալ մայրամուտ դիտելու:

6. Մայրամուտը՝ Ձորագետին նայող քարափի գլխից:

                               7. V                                     8. Իմ ու Ֆլորայի աներևույթ ներկայությունը :)

 

9. Կրամիտե կտուրով փոքրիկ շինություն, որը ծառայում է որպես անասնագոմ:

10. Հրաշք տնակ, որի դիմացի այգուց էլ նկարված է 5, 6, 13, 14, 15, 16, 17 նկարները: Բավական է մեկ անգամ հայտնվել այս լքված տնակի մոտ և այլևս Ձեզ չի լքի այս տան տիրոջը գտնելու, համոզելու և այդ տունը անպայման ձեռք բերելու ցանկությունը:

Տեղը չեմ ասի :)

11. Սա դեպի խոնարհված «Քառասնից Մանկանց» եկեղեցի իջնող ճանապարհից եմ նկարել: Որտեղից էլ ուրց հավաքեցինք երեկոյան թեյի համար:

Մի առիթով խոտաբույսերի նկարներ կտեղադրեմ և համապատասխան կիրառությունները կգրեմ:

12. Դսեղի Սուրբ Գրիգոր Լուսավորիչ բազիլիկ միանավ եկեղեցին է, որը գտնվում է Հովհաննես Թումանյանի տուն թանգարանի հարևանությամբ: Այն թվագրվում է 5-7րդ դար:

13. մայրամուտ...

14. մայրամուտ...

15. մայրամուտ...

16. մայրամուտ...

17. մայրամուտ...

18. միջատների ամուսնաընտանեական հարաբերությունները... շատ ռոմանտիկ դեմքեր են է... ծաղիկի մեջ... մմմմմմմ....


19. Սա առավոտյան ժամը 7-ին է նկարված, Դսեղի «Դիդ» կոչվող գերեզմանատան թմբի լանջից: Մեզ շատ էր հետաքրքրում թե ինչպիսին է լինում լուսաբացը Սբլիս (Չաթին) լեռան վրա: Մենք էլ՝ փչացնելով արձակուրդային ալարկոտ առավոտվա ավանդույթը, առավոտյան ժամը 6-ին դուրս եկանք տանից որ լուսաբաց նկարենք... բայց ինչպես պարզվեց, լուսաբացը նույնպես արձակուրդ էր, և բերհաճեց մեզ երևալ միայն ժամը 7-ին.... :( Իսկ թե ինչպիսին էր այն, դատեք ինքներդ: