RAW և Adobe Photoshop Lightroom

Բոլոր նրանց համար, ովքեր նկարում են RAW ֆորմատով (կամ նկարում են JPEG, բայց արդեն ի սրտե զզվել են անորակ ջպեգներից) և դեռևս  Adobe Photoshop Lightroom ծրագրին ծանոթ չեն:

Խնդրում եմ նախապես համոզվեք, թե Ձեր ֆոտոխցիկը արդյոք հնարավորություն ունի RAW նկարելու, թե` ոչ:

RAW նկարելու սկզբնական բարդությունները հիմնականում կապված են նկարների մշակման հետ, քանի որ RAW-ը դա անմշակ ֆորմատ է և գունային որևէ նախադրվածք (Landscape preset կամ Portrait Preset) չի ազդում նկարի վերջնական արդյունքի վրա:  Միևնույն ժամանակ Դուք հնարավորություն եք ստանում շտկումներ կատարել նկարի վրա, առանց որակի կորստի:

RAW ֆայլերի հետ աշխատելու համար կարող եք օգտագործել ներկայումս ամենահարմար (իմ կարծիքով) և ամենատարածված Adobe Photoshop Lightroom for Photographers ծրագիրը:
Lightroom-ի միջոցով RAW ֆորմատով նկարների վրա հեշտությամբ կարող եք շտկել սպիտակի հաշվեկշիռը (white balance), էկսպոզիցիան (exposure) ընդհուպ մինչև 2 աստիճան, հագեցնել գույները (color saturation), վերացնել քրոմատիկ աբերացաները և այլն: Ինչպես նաև կատարել գեղարվեստական մշակում հենց Lightroom ծրագրի մեջ:

Սա մի յուրատեսակ այլընտրանք է Photoshop ծրագրին` նախատեսված լուսանկարիչների համար: Որը միևնույն ժամանակ հանդիսանում է նաև նկարների կազմակերպիչ (organizer):

Համարենք սա հպանցիկ անդրադարձ RAW-անկարչությանը և Lightroom ծրագրի հնարավորություննեին:

Կախված Ձեր արձագանքներից` կշարունակեմ հոդվածաշարը ... կամ չեմ շարունակի: