Խոսրովի Անտառի ֆոտո արշավի արդյունքը

«Խոսրովի Անտառ» պետական արգելոց կատարած վերջին այցելությունից

որոշ լուսանկարներ արդեն ցուցադրել եմ, իսկ սա, այսպես ասած, ամբողջական

արդյունքն է: Քիչ էր ու մի քիչ հիասթափեցնող, քանի որ ավելի մեծ սպասումներ ունեի

այս ֆոտո արշավից:

Բանն այն է, որ

մինչև ջրվեժի մոտ հասնելը մենք շատ երկար գնացինք գետի երկայնքով:

Ճանապարհին շատ տեղեր կային, որտեղ կարելի էր կանգնել ու լավ լավ կադրեր գտնել, բայց

քանի որ նպատակակետը ջրվեժն էր, և ես միակն էի ով գիտեր ճանապարհը, մենք գրեթե

չկանգնեցինք ընթացքում, և ընդամենը մի քանի լուսանկար արեցինք ճանապարհին:

Մտածում էի, որ կհասնենք ջրվեժին, և նոր կսկսենք ինչ-որ կադրեր որսալը:

Բայց ստացվեց այնպես, որ ջրվեժի մոտ առանձնապես բան չկար լուսանկարելու...

կամ այլ կերպ ասած, կար բայց շատ ավելի քիչ տեսարաններ, քան թե մեզ հանդիպեցին ջրվեժի

մոտ գալու ճանապարհին:

Հիմա,  նոր հասկանում եմ, որ պետք չի հետաձգել կադրերը... եթե աչքդ լավ կադր է տեսել, 

պետք է կանգնես ու նկարես` առանց մտածելու վերջնական նշանակակետին հասնելու մասին:

Ու շատ հնարավոր է, որ ճանապարհի ընթացքում լուսանկարելու դեպքում, այնքան տարվեինք, որ

ջրվեժին էլ չհասնեինք: Բայց հոգ չէ, քանի որ մենք կունենայինք բազում լավ կադրեր:

Ի վերջո նպատակը լավ լուսանկարներ նկարելն է, և ոչ թե ջրվեժին հասնելը...