Թյուր պատկերացումներ և սխալ հարցադրումներ

Այստեղ կփորձեմ փարատել լուսանկաչության մասին որոշ սխալ պատկերացումներ, որոնք  շատ հաճախ ունենում են սկսնակ լուսանկարիչները: Դրանք մեծ մասամբ կապված են լուսանկարչական տեխնիկայի հետ: Այդ թյուր պատկերացումները գալիս են ֆոտոխցիկներ արտադրող կազմակերպությունների գովազային քաղաքականությունից:

Որքան մեգափիքսելները շատ, այնքան նկարի որակը բարձր
 - ճիշտ չէ, քանի որ մեգափիքսելների քանակը բնութագրում է միայն ստացվող նկարի ֆիզիկական չափերը, և ոչ թե որակը:


Լավ ֆոտոխցիկով արված լուսանկարները մշակելու կարիք չեն ունենում
- ճիշտ կլինի ասել՝ լավ ֆոտոխցիկից ստացված լուսանկարները ավելի քիչ ետմշակման կարիք ունեն, քան՝ ավելի թույլ ֆոտոխցիկի նկարները:


Չի կարելի լուսանկարը Photoshop-ով մշակել՝ թե չէ բնությունը կնեղանա
 - ինչպես արդեն նշեցի վերևում, որևէ ԼԱՎ լուսանկար չի հայտնվում համացանցում կամ տպագրությունում առանց ետմշակման: Այլ հարց է, որ շատերը պարզապես ժամանակ և ցանկություն չունեն լուսանկարը մշակելու: Նրանք ցանկանում են լավ կադր ստանալ անմիջապես ֆոտոխցիկից:


Տերմինաբանական բառարան
ետմշակում - post processing, пост обработка, լուսանկարի հետագա մշակումը գրաֆիկական խմբագրիչի մեջ՝ օրինակ Photoshop, Lightroom, ACR, RPP և այլն


Այլ հոդվածներ Ֆոտոդպրոց բաժնում